काठमाडौ । पुर्वेली गीत बजारमा सुस्ताएको अवस्थामा पत्रकार भोला अधिकारीले पुर्वेली गीत बजारमा लिएर आएका छन् । उनले ‘रुमाल फाटी गो’ बोलको गीत बजारमा लिएर आएका हुन् । हालै पुर्वका गाउठाउँलाई समेटेर तयार पारिएको गीतमा गायक बुद्ध खत्री र गायिका रोशनी राना मगरको स्वर छ ।
गीतले सानैमा छोडेको मायालुलाई रुमाल मार्फत सम्झिने प्रयास गरिएको छ । यस गीतमा शब्द तथा संकलन भोला अधिकारीले नै गरेका छन् । पुर्वै मोरङ, धरान भेडेटार, म त मरेको मान्छे, लडे झाँडीमा लगायतका दर्जनौ गीतमा शब्द संगीत तथा निर्देशन गरिसकेका भोला भिडियोका मोडल पनि हुन् ।
आफ्नै निर्देशक तथा अभिनयमा भोला अधिकारीको सार्वजनिक ‘रुमाल फाटी गो’ ज्ञानेन्द्र कोइरालाको छायाँकन तथा सम्पादन रहेको छ । गीतको भिडियोमा भोला अधिकारी, विनिता राई, बद्री पौडेल, सर्वज्ञान कोइराला, गुञ्जन माझी, बीएन नेपालको अभिनय तथा नृत्य रहेको छ । गीतमा संगीत संयोजन केवी भण्डारीको छ ।
