काठमाडौं । गायिका मेलिना राई र गायक बलबहादुर राजवंशीको स्वरमा रहेको गीत ‘जेल पनि सहुँला, नेल पनि सहुँला’ सार्वजनिक भएको छ । रोहन पौडेल ‘जनक’को शब्द, हरि लम्सालको संगीत, राजबाबु चौधरी÷अजय कार्कीको रेकर्डिङ र चन्द्र चौधरीको मिक्सिङ÷माष्टरिङ रहेको गीतको भिडियो सार्वजनिक भएको हो ।
लक्ष्मी वर्देवा र जीवन भट्टराईको निर्देशन रहेको गीतको भिडियोमा लक्ष्मी र जीवन नै फिचर्ड छन् । भिडियोमा स्कुलको शिक्षिका र पालेदाईको माया प्रेमलाई आकर्षक रुपमा प्रस्तुत गरिएको छ ।
दोरम्बा रामेछापको आसपासमा छायांकन गरिएको भिडियोमा पाले दाई र शिक्षिकाबीच माया प्रेम बसेपछि जेल, नेल उस्तै परे काल पनि सहने कुरा व्यक्त गरिएको छ । बुद्ध थापाको छायांकन रहेको भिडियोमा विष्णु खड्काको सम्पादन रहेको छ ।
