मुम्बई(एजेन्सी) । बलिउड जोडी रणवीर सिंह र दीपिका पादुकोणले सामाजिक सन्जालमा एक नयाँ पोस्ट राखेर आफू भित्र लुकेको मिकी र मिनी माउसको लुक्स सार्वजनिक गरेका छन् । उनीहरुको यो पोस्ट देखेर फ्यानहरु चकित छन् । रणवीरले इन्स्टाग्राम र ट्वीटरमा आफ्नो र श्रीमतिको एक विचित्र क्यारिकेचर चित्र सार्वजनिक गरेका छन् ।
यो कार्टुन स्केचमा रणवीरलाई एक ठूलो मिकी माउसको रुपमा देखाइएको छ भने दीपिकालाई एक स्लिम र ट्रिम मिकी माउसको लुक्समा देखाइएको छ । मिनी बनेकी दीपिकाको हातमा स्पेटुला र नूनको पोको पनि छ ।
श्रीमति दीपिकाको खाना पकाउने शैलीको तारिफ गर्दै मिकी रणवीरले ‘दिलको बाटो पेट हुँदै जान्छ, एट द रेट दीपिका पादुकोण’ लेखेका छन् । रणवीर र दीपिका प्रायः सामाजिक सन्जालमा राम्रा तस्बिर र भिडियो साझा गरिरहन्छन् ।
