काठमाडौं । कोरोना कहरका कारण विश्वभरी नै व्यापार, व्यवसायदेखि मनोरञ्जन क्षेत्रसमेत प्रभावित भएको छ । मनोरञ्जन उद्योग स्थगित हुँदा संसारभर नै कलाकारहरु सामाजिक सञ्जालमार्फत दर्शकहरुलाई मनोरञ्जन दिइरहेका छन । लामो लकडाउनको समयलाई सदुपयोग गर्दै गायक रन मगरले ‘मायालु प्रियशी’ बोलको म्युजिक भिडियो सार्वजनिक गरेका छन् ।
पप भर्सनको यस गीतमा प्रजीत रानाको शब्द र जेम्स प्रधानको संगीत रहेको छ । द साइलेण्ट मंक ब्याण्ड फिचर्ड म्युजिक भिडियोमा भानु तिवारी, सुनिशा क्षेत्री, लक्ष्मी अधिकारी र नन्दु मिश्रको अभिनय रहेको छ ।
कर्मा ब्याण्डका गायक सुरेन्द्र मान सिंहले भिडियोलाई छायांकन र सम्पादन गरेका हुन् । नन्दु मिश्रको लगानीमा निर्माण भएको भिडियोलाई प्रजीत रानाको निर्देशनमा तयार पारिएको हो । भिडियो ओएसआर डिजिटलबाट सार्वजनिक भएको हो ।
