काठमाडौं । फिल्म ‘कोपिला’ले डिसहोम च्यानलमा प्रर्दशनको दोश्रो हप्ता प्रवेश गरेको छ । फिल्मले मंगलबारदेखि दोश्रो हप्ता प्रवेश गरेको हो । कञ्चनपुरकी १३ वर्षीया बालिका निर्मला पन्तको बलात्कारपछि भएको हत्याको विषयमा निर्माण गरिएको फिल्मलाई डिसहोम च्यानल मार्फत प्रर्दशनमा ल्याइएको थियो ।
फिल्मलाई डिसहोम च्यानल नम्बर १०८ बाट रिलिज गरिएको छ । गत वैशाख ३० गते मंगलबार देखी दैनिक ८ शो प्रदर्शन हुदैै आएको फिल्मले दर्शकहरुको प्रतिक्रियासँगै फिल्मले व्यापार पनि राम्रो गरिरहेको डिसहोम ओइपिएलका अध्यक्ष दयाराम पाण्डेले बताए ।
फिल्ममा शिवम अधिकारीको लेखन तथा निर्देशन रहेको छ भने सञ्चारकर्मी मणिराज गौतम, गणेश गिरी, सुबास काफ्ले, समिर मिया र रामेश्वर काकी निर्माता छन् ।फिल्ममा सरिता गिरी, गणेश गिरी, सन्जिवनी खरेल, प्रकृति खरेल, ऋद्धिचरण श्रेष्ठ, विमल पौडेल, पुष्प आचार्य, सुशान्त श्रेष्ठ, अस्मिन घिमिरे, अस्मिता जुरेली, प्रतिक्षा खड्का, राखी क्षेत्रीलगायतको अभिनय छ ।
