काठमाडौं । सञ्चारकर्मी रवीन्द्र सुवेदीको शब्दमा तयार भएको गीत ‘इतिहास’ सार्वजनिक भएको छ । राष्ट्रिय भावना बोकेको गीतमा चिरन्जीवी सापकोटा(जीबी चिरन), जिवेश गुरुङ र प्रवीण भट्टको स्वर रहेको छ । विन्दास मिडिया नेटवर्कको प्रस्तुतिमा निर्माण भएको भिडियोमा नेपाली वेब सिरिजका कलाकार जिवेश गुरुङको निर्देशन छ ।
गीतमा संगीत संयोजन ओम सुनारको छ भने प्रोजेक्ट संयोजन समीर नेपालले गरेका छन् । भिडियोमा गायकत्रयसँगै दीपशन परियर र विनय सापकोटा फिचर्ड छन् । प्रवीण भट्टको सम्पादन रहेको भिडियोमा नवराज उप्रेतीको छायांकन, टंक काकीं(छिमेकी)को संयोजन छ । गीत ‘ए प्लस रेकर्डिङ स्टुडियोमा रेकर्ड गरिएको हो ।
इतिहासको गाथा र नेपाली बहादुरीपनलाई प्रस्तुत गरिएको गीत सेमी र्याप शैलीको छ । गीतमा भारतले मिचेको नेपालको भूमि कालापानी, लिपुलेक जस्ता भूभाग फिर्ता गरिनुपर्छ भन्ने सन्देश दिइएको छ । गीत आहा टिभीको युट्युब च्यालनबाट सार्वजनिक गरिएको छ ।
