काठमाडौं । नेपाली फिल्मकी प्रथम नायिका भुवन थापा चन्दले निर्माण गरेको फिल्म ‘साइनो’ युट्युबमा रिलिज भएको छ । फिल्म बोधी एचडी युट्युब च्यानलबाट रिलिज भएको हो ।
निर्देशक रमेश थापाले लकडाउनका बेलामा दर्शकहरुका लागि मनोरञ्जन दिन फिल्म युट्युबमा राखिएको बताए । चन्द्र बिनायक फिल्मस् प्रोडक्सनको ब्यानरमा निर्मित फिल्ममा राज कुमार, मिरुना मगर, निता ढुंगाना, भुवन थापा चन्द, बसुन्धरा भुषाल, मदनदास श्रेष्ठ, रोयदीप श्रेष्ठ लगायतका अन्य कलाकारहरुको अभिनय छ ।
शरण थापा कार्यकारी निर्माता रहेको फिल्ममा अभिमन्यु निरबीको लेखन, रामेश्वर कार्कीको छायांकन, रामजी लामिछानेको कोरियोग्राफी, बनिश शाहको सम्पादन छ ।
