मुम्बई(एजेन्सी) । भारतमा केही सिमित हलिउड फिल्म मात्र दर्शकको रोजाईमा पर्ने गरेका छन् । जसमा हलिउड स्टार टम क्रुजको चर्चित एक्सन सिरिज फिल्म ‘मिसन इम्पोसिबल’ पनि पर्दछ । इथन हन्टको भूमिकामा टम क्रुज हालसम्म सिरिजको छैटौं संस्करणमा देखिइसकेका छन् । त्यसो त बलिउडमा हलिउडका कैयौं चर्चित र सुपरहिट फिल्मको रिमेक गरिएको हुन्छ ।
बलिउडमा ‘मिसन इम्पोसिबल’को हिन्दी भर्सनको चर्चा शुरु भइसकेको छ । फिल्मकर्मीले यो फिल्मको हिन्दी भर्सनको प्रमुख अभिनेता ऋतिक रोशन हुने पनि अनुमान लगाइसकेका छन् । ऋतिकले यसअघि ‘धुम २’, ‘बेङ बेङ’ र ‘वार’ जस्ता ठूला फिल्ममा एक्सन सिक्वेन्स दिइसकेका छन् । त्यही कारण पनि ‘मिसन इम्पोसिबल’को हिन्दी रिमेकमा ऋतिक नै उपयुक्र्त हुने आश गरिएको हो ।
बलिउडमा पहिला पनि टम क्रुजको एक्सन फिल्म ‘नाइट एण्ड डे’ को हिन्दी रिमेक ‘बेङ बेङ’ बनिसकेको छ । जसमा ऋतिक रोशनकै प्रमुख भूमिका थियो ।
