काठमाडौं । काठमाडौंमा पैसा कमाउन आएका तीन युवाको कथामा छोटो फिल्म ‘पैसो’ निर्माण भएको छ । फिल्ममा राकेश बीके, संजय पोखरेल र सन्जोग पौडेलको कथा समेटिएको छ ।
अर्री इन्टरटेन्मेन्टले प्रस्तुत गरेको फिल्म कलाकार राज न्यौपाने तथा छाँयाकार तथा निर्देशक अर्जुन तिवारीले निर्माण गरेका हुन् । विनोद ढकालको भ्वाइस ओभर रहेको फिल्ममा अर्जुन सुवेदी, सन्जोग पौडेल, राकेश बिक, सञ्जय पोखरेल, रामु घिमिरे, कृष्ण बहादुर गिरीले अभिनय गरेका छन् ।
फिल्ममा बिनय कार्की क्षेत्रीको पाश्र्व संगीत तथा गायन र सिमोन न्यौपानेको शब्द छ । ओम नमः शिवाय मल्टि स्टुडियो मिडिया सिष्टममा पोष्ट प्रोडक्सन गरिएको फिल्मको छायांकन तथा सम्पादन अर्जुन तिवारीले गरेका हुन् । फिल्म लेखन तथा निर्देशन राज न्यौपानेले गरेका हुन् ।
