काठमाडौं । फिल्म ‘चिनी कम रंग कडा’को गीत ‘सुगन्धी चक्षुले’को लिरिकल भिडियो सार्वजनिक भएको छ । गीतमा मानव सुवेदी र सुशील सुवेदीको शब्द तथा मानवको संगीत र स्वर छ ।
विवेक घिमिरे निर्देशित फिल्ममा मानव सुवेदी, सुशील सिटौला, अनु थापा, सुर्य थापा, रविनजंग थापा, जीवन भट्टराई, प्रकाश भुजेललगायतका कलाकारहरुको अभिनय रहेको छ ।
फिल्ममा याकोपो राचलिक र लुक मौसेरीको छायांकन, मानव सुबेदीको पाश्र्व संगीत र कृष्ण भण्डारीको सम्पादन रहेको छ । गणेशदेव पाण्डेको निर्माण तथा लेखन रहेको फिल्मलाई ओटिटि प्लेटफर्म मार्फत रिलिज गर्ने तयारी गरिएको छ । यस अघि फिल्मको टिजर सार्वजनिक गरिएको थियो ।
