काठमाडौं । गायिका लक्ष्मी परियार र गायक सुमन परियारको स्वरमा रहेको ‘रेलिमै’ बोलको गीतको भिडियो पानस फिल्मस् मार्फत सार्वजनिक भएको छ । मायालु जोडीको प्रेमको भावलाई निकै आर्कषक रुपमा गीतमा समावेश गरिएको छ । मौलिक लोक लय सिर्जना गरिएको गीतमा प्रेमिकाको मायामा आफु निकै घायल बनेको गायक सुमनले बताए ।
गीतमा काल्पनिक माया भन्दा पनि फरक रुपमा जीवनको वास्तविकतालाई चित्रण गरिएको छ । मौलिक पहिचान र जीवनको वास्तविकता भएको कारणले पनि आम दर्शक तथा श्रोतको मन मुटुमा बस्नेमा गायक आशावादी छन् ।
सुमन परियारको शब्द तथा अमृत सुनार र सुमन परियारको लय सिर्जना रहेको गीतमा आशिष अविरलको म्युजिक एरेन्ज रहेको छ । भिडियोमा अन्जली अधिकारी र ध्रुव हिमाली फिचर्ड छन् । भिडियोमा सागर गौतमको छायांकन, दीपक विष्टको सम्पादन तथा काजिश श्रेष्ठको निर्देशन छ ।
