मुम्बई(एजेन्सी) । बलिउड अभिनेता सुशान्त सिंह राजपूतको निधनले उनको परिवार शोकमा भइरहँदा परिवारमा अर्को सदस्यको निधन भएको छ । सुशान्तकी भाउजू सुधा देवीको सोमबार निधन भएको हो । परिवारका अनुसार सुशान्तको निधनपछि सुधा निकै दुःखी थिइन् ।
सुशान्तका भान्जा दाई अमरेन्द्र सिंहकी पत्नी सुधाको निधन मुम्बईमा सुशान्तको अन्तिम संस्कार भइरहँदा पटनामा भएको थियो । सुशान्तले आत्महत्या गरेको खबर सुनेपछि उनले खानपिन छोडेकी थिइन् । जसकारण उनको स्वास्थ्य लगातार बिग्रिरहेको थियो ।
परिवारका अनुसार केही समयदेखि सुधा बिरामी थिइन् । सुशान्तको निधनको खबर सुन्नासाथ उनी पटक–पटक बेहोस भएकी थिइन् । सुधा र उनको परिवार सुशान्तको पुख्र्याैली गाउँ पूर्णियाको मलडीहामा बस्दथे । अभिनेताको निधन पछि यो गाउँमा सन्नाटा छाइरहेको अवस्थामा सुधाको निधनपछि झन शोक छाएको छ ।
