काठमाडौं । संगीतकार अर्जुन पोखरेलको संगीतमा गायक कृष्ण काफ्ले, अस्मिता अधिकारी, बुद्ध लामा र समिक्षा अधिकारीको संयुक्त स्वर रहेको गीत ‘मैले बोलेको छैन ढाँटेर’को भिडियो सार्वजनिक भएको छ । यी चारै गायकगायिका फिचर्ड गीतलाई विश्व संगीत दिवसका अवसर पारेर आइतबार सार्वजनिक गरिएको हो ।
नेपसिनेमाको प्रस्तुतीमा द डिभाइन म्युजिकको युट्युव च्यानलमार्फत सार्वजनकि गीतमा अर्जुनकै शब्द छ । गीतको भिडियोमा सञ्चारकर्मी विधान कार्कीको निर्देशन छ । यस अघिका भिडियोहरु भन्दा यो भिडियो र यसको कन्सेप्ट फरक रहेको निर्देशक कार्कीले बताए । लक डाउनका समयमा सामाजिक दुरी कायम गरी खिचिएको यो गीतको भिडियोमा उत्सव दाहालको छायांकन र विकास दाहालको सम्पादन छ । भिडियोमा किरण भुजेलको उपस्थिति छ ।
भिडियोेलाई फिल्मी शैलीको बनाइएको छ । दुई दाजुभाईले दुई दिदिबहिनीको प्रेमकथा बुनेको भिडियोले केही सकारात्मक सन्देश समेत प्रवाह गरेको छ ।
