काठमाडौं । प्रेमकथानक फिल्म ‘मेरो दिल’ को गीत ‘उनी र म’ बुढासुब्बा डिजिटलबाट सार्वजनीक भएको छ । प्रेमपीडा भावको गीतमा करणराज गिरीको स्वर र संगीत तथा नारायण जलनको शब्द छ । रेखा शाह र नरेश योगीले कोरियोग्राफी गरेको भिडियोमा मोनिका दाहाल र शंकरराज पहाडी फिचर्ड छन् ।
नवीन पन्तले निर्देशन गरेको फिल्ममा मोनिका, शंकरराज, ओेसिन भट्टराई, हरि बस्नेत, डिकेलगायतले अभिनय गरेका छन् । विनोद सापकोटाले खिचेको फिल्मको निर्मातामा गीता शर्मा, सलिना लामा, हरि शर्मा र टेरिसा खड्का छन् ।
फिल्म कोरोना महामारीपछि दर्शकमाझ ल्याइने जानकारी निर्देशक पन्तले दिएका छन् ।
