काठमाडौं । नेपाली लोकदोहोरीसँगै ब्याटल गीतकी गायिका प्रिती आलेको नयाँ गीत ‘पोखरा घुम्नलाइ मन छ’ सार्वजनिक भएको छ । पछिल्लो तिज गीतको चहलपहल भइरहेको बेला गायिका आलेले यस्तो गीत गाएकी हुन् । गीतमा खेम पुन मगरको संगीत तथा कृष्ण बस्यालको शब्द छ ।
सुशील डाँगीको छायांकन तथा सम्पादन रहेको भिडियोमा अर्जुन थापाको निर्देशन छ । भिडियोमा नीर आले, स्मृति मगर, सुमन परियार, सीता चन्द, प्रितम थापा, सपना मगरलगायतको अभिनय तथा नृत्य छ । गीतको भिडियोलाई ह्वाइट नेपाल प्रोडक्सन नामक युट्युव च्यानलले बजारमा ल्याएको छ ।
