काठमाडौं । फिल्म ‘नोभेम्बर रेन’, ‘क्लासिक’, ‘डायरी’, ‘ए मेरो हजुर ३’ जस्ता फिल्मका लेखक छेतन गुरुङको निधन भएको छ । कलेजोमा समस्या भएपछि राजधानीको महाराजगञ्जस्थित मेट्रो अस्पतालमा उपचाररत उनको बुधबार ४२ वर्षको उमेरमा बिहान २ बजे निधन भएको हो ।
लेखक छेतनले फिल्म ‘डमरुको डण्डिबियो’को निर्देशन समेत गरेका थिए । गुरुङले लेखन, निर्देशन गरेको फिल्म ‘प्रेमगीत ३’ प्रदर्शनको लागि तयारीमा छ । पछिल्लो समय उनी ‘हुतुतु’ फिल्मको तयारीमा थिए ।
उनले फिल्म ‘नोभेम्बर रेन’ बाट २०७१ सालको एनएफडिसी राष्ट्रिय चलचित्र पुरस्कारमा ‘उत्कृष्ट लेखक’को अवार्ड पनि पाएका थिए । फिल्म ‘डमरुको डण्डिबियो’बाट २०७६ सालको कामना फिल्म अवार्डमा उत्कृष्ट नवनिर्देशक र २०७६ सालको डि सिने अवार्डमा जुरी अवार्ड जितेका थिए ।
