न्यूयोर्क(एजेन्सी) । प्रख्यात कम्पनी माइक्रोसफ्टका सहसंस्थापक बिल गेट्सका पिता बिल गेट्स सिनियरको ९४ वर्षको उमेरमा निधन भएको छ । गेट्स परिवारका अनुसार सिनियर लामो समयेखि अल्जाइमरबाट पीडित थिए । प्रख्यात वकिल रहेकका बिल गेट्स सिनियरले सिएटलको वुड क्यानल इलाकामा रहेको आफ्नो घरमा अन्तिम सास लिएका हुन् । पिताको मृत्युमा बिलले ट्वीट गरेका छन् ।
‘मेरो पिता वास्तविक बिल गेट्स हुनुहुन्थ्यो । मैले उहाँबाट जहिल्यै जीउने तरिका सिकें । म उहाँलाई नियमित सम्झनेछु’, उनले ट्वीट गरेका छन्, ‘हिजो मात्र परिवारका बीच मेरो पिताजी शान्तसँग जानुभयो । मेरो पिताजीको निधन अप्रत्याशित थिएन । उहाँ ९४ वर्षको हुनुहुन्थ्यो र उहाँको स्वास्थ्य खराब हुँदै गएको थियो । हामी कति भाग्यमानी छौं कि हाम्रो जीवनमा यतिका वर्षसम्म यी अद्भुत मान्छे बस्नुभयो । यी भावनामा एक्लै रहनेछु ।’ बिलले पिता बिना बिल एण्ड मेलिन्डा गेट्स फाउण्डेसन हुन नसक्ने जनाएका छन् ।
