क्वालालम्पुर(एजेन्सी) । मलेसियामा एक युवाको जीवनमा एउटा अनौठो घटना घटेको छ । २० वर्षे छात्र त्यो बेला छक्क परे, जुन समयमा उनको फोनमा बाँदरको धेरै सेल्फी भेटियो । सामाजिक सञ्जालमा बाँदरको सेल्फीवाला भिडियो निकै भाइरल भइरहेको छ । ज्याकरिड्स रोडजी नामका छात्र आफ्नो घरमा सुतिरहेका थिए । उनले फोनलाई आफ्नो छेउमै राखेका थिए । जब बिहान उठे, त्यो बेला मात्र आफूसँग फोन नभएको चाल पाए । उनले फोन चोरी भएको हो कि भन्ने लाग्यो ।
‘मोबाइल चोरिएको कुनै संकेत थिएन । मेरो दिमागमा केवल एउटा कुरा मात्र आयो कि यस्तो जादु कसरी भयो’, उनले भनेका छन् । रोडजीले आफ्नो फोन डिभाइसलाई ट्रयाक गर्दा उनले आफ्नो घर पछाडिको जंगलमा सिग्नल पाए । उनको मोबाइलमा उनका पिताले निरन्तर फोन गरिरहेका थिए । फोनको रिंगटोन जंगलबाट आइरहेको थियो । त्यही आवाजको माध्यमबाट पछ्याउदै जाँदा झाडी पछाडि उनले पाए ।
Something yang korang takkan jumpa setiap abad. Semalam pagi tido bangun bangun tengahari phone hilang. Cari cari satu rumah geledah sana sini semua takde then last last jumpa casing phone je tinggal bawah katil tapi phonenya takde. Sambung bawah. pic.twitter.com/0x54giujnY
— z (@Zackrydz) September 13, 2020
फोन भेटिएपछि उनका काकाले मजाकमै फोनमा चोरको तस्बिर भेटिन सक्ने बताएका थिए । त्यसपछि उनले जब मोबाइलको ग्यालरी खोले, त्यहाँ बाँदरहरुको कैयौं सेल्फी र भिडियो देखियो । एक भिडियोमा बाँदरले मोबाइल खाने प्रयास गरेको देख्न सकिन्छ ।
रोडजीले आफ्नो साथी र परिवारलाई ती तस्बिर देखाएका थिए । तर कसैले त्यो कुरालाई पत्याएनन् । उनले यो कुरालाई ट्वीटरमा शेयर गर्दै बाँदरको गतिविधिबारे लेखेका थिए । रोडजीले स्क्रिन रेकर्डिङको सेप्टेम्बर १३ मा ट्वीट गरेका थिए । त्यो भिडियो हालसम्म २५ लाख पटक गरिएको छ ।
