काठमाडौं। गायक शिव परियार र गायिका निरुषा भट्टराईको स्वरमा रहेको गीत ‘छलक छलक छल्क्यो माया’को भिडियो सार्वजनिक भएको छ । सार्वजनिक गीतमा दीपक सिलवालको शब्द तथा संगीत छ । भिडियोमा अभिनेताद्वय पल शाह र शिशिर भण्डारी तथा अभिनेत्री वर्षा राउत फिचर्ड छन् । गायिका भट्टराई बेलायत बस्छिन् ।
गम्भीर विष्टले निर्देशन गरेको भिडियोमा एक्शन सहितको रोमान्टिक, डान्सिंग प्रेमकथा देख्न सकिन्छ । भिडियोमा अपांगको भूमिकामा अभिनय गरेका शिशिरले वर्षालाई मनपराउने गरे पनि वर्षा र पलको प्रेमले शिशिर विक्षिप्त बनेको देखाइएको छ । त्यहीकारण उनले वर्षा र पललाई मार्नका लागि मान्छे लगाउछन् ।
भिडियोमा संजय थापा र सुक्रराज शाहको एक्शन, नवराज उप्रेतीको छायांकन तथा नवीन निरौलाको सम्पादन तथा कलर ग्रेडिंग रहेको छ ।
