कृष्णको सांगीतिक रातलाई चन्द्र

काठमाडौं । गायक तथा मोडल कृष्ण रसालको नयाँ गीत ‘रातलाई चन्द्र’को भिडियो सार्वजनिक भएको छ । गीतमा गायक कृष्णलाई गायिका निकिता थापाले साथ दिएकी छन् । गीतमा प्रभात त्रिपाठीको शब्द, सुभाष भुषालको संगीत र उदयराज पौडेलको संगीत संयोजन छ ।

चीनको चेंग्दूमा छायांकन गरिएको भिडियो ट्यून नेपालको अफिसियल युट्युव च्यानलमार्फत सार्वजनिक गरिएको छ । देवेन्द्र शाहीको छायांकन, राजेन्द्र पाण्डेको सम्पादन र देवेन्द्र शाही तथा कृष्णकै निर्देशन रहेको भिडियोमा ज्ञानेन्द्रबहादुर खड्का र चिनियाँ कलाकार यमी फिचर्ड छन् ।