धरान । दस वर्ष अघि ‘नोट’ एल्बम निकालेर नेपाली संगीत क्षेत्रमा पर्दापर्ण गरेकी धरानकी गायिका सीमा संग्रौलाले लामो समय पछि ‘उड्नु छ आज’ बोलको गीत आफ्नै युट्युब च्यानलबाट सार्वजनिक गरेकी छिन् ।
‘नोट’ एल्बमको ‘के नै रुनु छ र’ बोलको गीत बाट त्यही बर्ष हिट्स एफएम म्युजिक अवार्डबाट सर्वोत्कृस्ट नव प्रतिभाको अवार्ड समेत हात पारेकी सीमाको ‘के नै रुनु छ सँगै जितेर मेरो मन’, ‘यो बैंश भित्र के छ’, ‘उताउलो मोरोले ताल पार्यो’लगायतका गीतहरु लोकप्रिय छन् ।
मेलोडी, फ्युजन र टिपिकल नेपालीपनका गीतहरु गाउन मन पराउने उनले ‘उड्नु छ आज’ गीत बिशाल पाण्डेसँग मिलेर संगीत तथा रचना गरेका छन् । यस अघि ३ महिना अघि मात्र उनले विशाल पाण्डेसँग मिलेर नै ‘माया आउन नजिक’बोलको गीत तथा म्युजिक भिडियो सार्वजनिक गरकी थिईन ।
लकडाउनको समयमा अडियो तयार गरि लकडाउन खुलेपछिको समयमा पर्यटकीय नगरी पोखरा र यस आसपासका क्षेत्रमा खिचिएको भिडियोको छायांकन, सम्पादन तथा निर्देशन विशाल पाण्डेले गरेका छन् ।
