काठमाडौं । गायक दिल तामाङको म्युजिक भिडियो ‘नाचिदेउ बसन्ती’को कभर भिडियो बनाउने समय जनवरी २८ सम्म तोकिएको छ । प्रोडक्सनले एक सूचना जारी गर्दै गीतको कभर भिडियो बनाइसक्नु पर्ने समय सीमा तोकेको हो ।
यसअघि नै नयाँ प्रतिभालाई प्रोत्साहन गर्ने उद्देश्यले भिडियो निर्माता कम्पनीले गीतको कभर भिडियो बनाउनेमध्ये एउटा उत्कृष्ट भिडियोलाई एक लाख नगदसहित सम्मान गर्ने बताइसकेको छ ।
यस्तै गीतको भिडियोले सार्वजनिक भएको २ हप्तामै १० लाख भ्युज पार गरेको छ । भिमफेदी गाइज र एलिसा शर्माको अभिनय रहेको भिडियो स्टार क्याडेटको अफिसियल युट्युब च्यानलमार्फत सार्वजनिक गरिएको थियो । गीतमा डिपी खनालको शब्द र शंकर थापा ‘स्माइल’को सगीत छ । गीतको भिडियो निर्मल लामाले निर्देशन गरेका हुन् ।
