काठमाडौ । गायक घमेश दुलालको नयाँ लोकदोहोरी गीत ‘वनमा खयर’को भिडियो सार्वजनिक भएको छ । गीतमा घमेशलाई गायिका प्रविशा अधिकारीले साथ दिएकी छन् ।
गीतमा शिव हमालको शब्द तथा प्रभावन जेको संगीत छ । घमेश र प्रभावन जे दुई दशकअघि रेडियो नेपालमा गीत गाउँदा समयका दौतरीसमेत हुन् । गीतको संगीत संयोजन एरेन्जर कमल सौरागले गरेका हुन् ।
भिडियोमा बुद्धि तामाङ, सत्यकला बम्जन र पुरु सिग्देलको अभिनय रहेको छ । कमल राईको निर्देशन रहेको भिडियोमा हरिष मेहेराको छायांकन, डिनसन शाहको रंग संयोजन तथा सम्पादन छ ।
सोलुखुम्बुको रमणीय स्थलमा भिडियो छायांकन गरीएको डीएआर मुभिजका राजाराम गौतमले बताए ।
