काठमाडौं । अभिनेता गौरव पहारी अभिनित म्यूजिक भिडियो ‘लाहुरे’ सार्वजनिक भएको छ । शुक्रबार परेको उनको जन्मदिनको अवसर पारेर यो गीत सार्वजनिक गरिएको हो ।
गायक तथा संगीतकार चन्द्रसिंह घलेको शब्द, संगीत तथा चन्द्र सिंह घले र रानी शाक्यको स्वर रहेकोमा गौरव र लक्ष्मी बर्देवा फिचर्ड छन् । मनमा धेरै रहर मारेर विदेश गएका युवाहरुको कथालाई गीतमा समेटिएको छ ।
एसियन म्युजिकले निर्माण गरेको भिडियोमा निशान कश्यपको निर्देशन छ । भिडियोमा उत्सव दाहालको छायांकन, भावना थापाको सह–निर्देशन छ ।
भिडियो एसियन म्युजिकको युट्युब च्यानलबाट सार्वजनिक गरिएको हो ।
