काठमाडौं । नयाँवर्ष २०७८ को अवसर पारेर फिल्म ‘गुड फ्रेन्ड’ चैत २७ मा प्रदर्शन हुने भएको छ । साथी–साथीबीचको सम्बन्ध, प्रेम र समर्पणको कथामा निर्माण गरिएको फिल्मको ट्रेलर साइराम पिक्चर्सको युट्युव च्यानलमार्फत सार्वजनिक गरिएको छ ।
राजबहादुर सानेको निर्देशन रहेको फिल्ममा मुकेश ढकाल, सबिना कार्की, राज सिंह, दीपकविक्रम शाही, एलवी कटुवाल, राजन महर्जन, वसन्त बर्मा, पूजा महर्जन, धीरज खत्री र भूमिका सापकोटाको अभिनय छ ।
बिजी बर्मा फिल्मस्को ब्यानरमा वसन्त बर्माको प्रस्तुति रहेको फिल्मको निर्मातामा वसन्त बर्मा, राज सिंह र पम्फा बर्मा अनि सह–निर्मातामा बारुफ बर्मा र पारुबी बर्मा छन् । फिल्मको गीतमा संजय लामा बलको संगीत, प्रदीप खड्काको द्वन्द्व र प्रबल प्रधानको सम्पादन छ ।
