उसको त बिहे भयो रेमा विजय र गीता

काठमाडौं । गायक प्रताप दासको स्वरमा रहेको गीत ‘उसको त बिहे भयो रे’ बोलको गीत सार्वजनिक भएको छ । गीतमा टिकटक स्टार विजय पुनको शब्द, ऋषि खड्काको संगीत छ तथा विश्वास नेपालको एरेञ्ज छ ।

गीतको भिडियोमा विजयसँगै गीता ढुंगानाको अभिनय छ । भिडियोमा प्रेम, घरपरिवार र समय परिस्थितिको सम्बन्धलाई चारित्रिक ढंगबाट प्रस्तुत गरिएको छ ।

विक्रम चौहानको निर्देशन रहेको भिडियोमा अजय रेग्मीको छायांकन र मिलन विश्वकर्माको सम्पादन छ । भिडियो विजय पुनको पत्थरको मुटु अफिसियल युट्युब च्यानलमार्फत सार्वजनिक गरिएको हो ।