काठमाडौ । गायक रियालिटी शो ‘द भ्वाइस अफ नेपाल सिजन–३’का विजेता किरण गजमेर ‘राष्ट्रिय प्रतिभा सम्मान २०७८’ बाट सम्मानित भएका छन् ।
शनिबार राजधानीमा आयोजित एक कार्यक्रमका बिच डा. खगेन्द्र स्पोटर््स फाउन्डेशनले गजमेरलाई उक्त सम्मान प्रदान गरेको हो ।
कार्यक्रममा गायिका टीका लामिछाने, गीतकार तथा संगीतकार खेम रिजाल र समाजसेवी रुन्द्र बानियाँले समेत उक्त सम्मान प्राप्त गरे । डा. खगेन्द्र स्पोर्ट्स फाउन्डेशनका अध्यक्ष डा. खगेन्द्रबहादुर श्रेष्ठले सम्मानित सबैलाई खादा, फुलमाला र सम्मान पत्र प्रदान गरेका थिए ।
सोही अवसरमा कीर्तिमानी धावक बैकुण्ठ मानन्धरलाई ‘लाइफ टाइम अचिभमेन्ट अवार्ड’ समेत प्रदान गरिएको थियो ।
