काठमाडौं । नियमित रुपमा गीत लेखनमा सक्रिय गीतकार एवं सञ्चारकर्मी शान्तिप्रियले तीज गीत ‘फूलै फूल्यो तिउरी’ दर्शशमाझ ल्याएका छन् । शान्तिप्रियले तीजैको मुखमा आएर गीत सिसि नेपाल युट्युब च्यानलमार्फत गीत रिलिज गरेका हुन् ।
गीतमा चित्रकार तथा संगीतकार गायक ज्योति प्रकाशको संगीत, दुर्गा परियारको स्वर, राजेन्द्र बजगाईंको एरेञ्ज र मनोज परियारको मिक्सिङ छ । गीतमा अभिनेत्री एवं मोडल अनामिका चौलागाई र नवमोडल झरना परियार फिचर्ड छन् । भिडियो छायांकन गोविन्द अञ्जानले गरेका छन् ।
भिडियोकोे कलर कलेक्शन मिलन गुरुङले गरेका हुन् भने नृत्य निर्देशन तथा संपादन राजीव बलामीले गरेका छन् । भिडियोको निर्देशन भने शान्तिप्रियले नै गरेका छन् ।
