काठमाडौ । गायक नरेश जोगी र गायिका अन्नु चौधरीको थारु गीत ‘ओ सजन’ को भिडियो सार्वजनिक भएको छ । पिके फिल्मस् युट्युब च्यानलबाट सार्वजनिक गरिएको गीतमा गायक स्वयंको शब्द तथा संगीत रहेको छ । गीतमा गनेश चौधरीको एरेञ्ज छ ।
भिडियोमा अभिनेता पल शाह र मोडल कविता राय फिचर्ड छन् । पल र कवितासँगै कृष्ण जोशीको पनि अभिनय भिडियोमा छ । विभिन्न भाषा, भेषभुषाको कामबाट दर्शकलाई म्युजिक भिडियोमा जोडिरहेका पलले फेरी आफ्ना दर्शकलाई फरक स्वाद दिएका छन् ।
विक्रम चौहानको निर्देशन तथा कोरियोग्राफी रहेको भिडियोमा पल र कवितालाई थारु समुदायको बिहेको भेषमा पनि देख्न सकिन्छ । भिडियोको छायांकन अभिनेता पलकै गृह जिल्ला दाङमा भएको हो । भिडियोमा अर्जुन तिवारी र टिमको छायांकन तथा मिलन विश्वकर्माको सम्पादन र रंग छ ।
