काठमाडौं । गायक प्रताप दासको स्वर रहेको गीत ‘रिसाउन त रिसाउ’ बोलको प्रेमिल शैलीको म्युजिक भिडियो सार्वजनिक भएको छ ।गीतमा रविन विष्ट र कृष्ण कार्कीको शब्द, नविन कार्कीको संगीत र विशाल निरौलाको संगीत संयोजन छ ।
अमेरिकामा छायांकन गरिएको भिडियोमा दिनेश खनाल र विष्णु मिश्र फिचर्ड छन् । रिसाएकी प्रेमिकालाई फकाउने कोशिसलाई भिडियोमा देखाइएको छ ।
भिडियोमा शैलेश घलेको छायांकन, बिष्णु खड्काको सम्पादन र विक्की पुलामीको निर्देशन छ । मोडल खनालको आधिकारिक च्यानल दिनेश खनाल अफिसिएलमार्फत भिडियो सार्वजनिक गरिएको हो ।
