काठमाडौं । देव धिमालको लेखन तथा निर्देशनमा बन्न लागेको वेब सिरिज ‘आलु जस्तो लभ’को मुहुर्त गरिएको छ । राजधानीमा आयोजित एक कार्यक्रममा चलचित्र विकास बोर्डका पूर्व अध्यक्ष राजकुमार राईले दीप प्रज्जवलन गर्दै सिरिजको मुहुर्त गरेका हुन् । मुहुर्तसँगै सिरिजको काठमाडौंका विभिन्न स्थानमा धमाधम छायांकन भइरहेको छ ।
समाजका विभिन्न परिवेशलाई सिरिजमा समावेश गरिने निर्माण पक्षले जनाएको छ । सिरिजका निर्माता अमित ठाकुरले सिरिजमा युवायुवतीबिचको प्रेमलाई देखाइने बताए ।
सिरिजमा राजकुमार शाह, भीमसेन खतिवडा, दिवस नाथ, मनिष प्रितम निरौला, सबिना गहतराज, प्रियांका श्रेष्ठ, पुनम परियार, सोनुया रन्जित, अकबर थुप्रा लिम्बू, प्रियान्सी श्रेष्ठ, अमित ठाकुरको अभिनय रहनेछ ।
सिरिजमा कृष्ण केसीको कथा, विदुर तिमल्सिनाको गीत, पुस्तकको संगीत संयोजन, सबिना लामाको श्रृंगार, प्रवेश राईको छायांकन, राहुल कोइरालको सह–छायांकन, विजयराज भुर्तेलको सम्पादन, अनिता सुवेदी धिमाल र मन्जु फुयालको निर्माण छ ।
