काठमाडौं । गायक निमा तामाङ र गायिका अन्नु चौधरीको युगल गायनमा समावेश प्रेमिल शैलीको गीत ‘बाँध मायाले’ को म्युजिक भिडियो सार्वजनिक भएको छ । युवा प्रेम र आकर्षणको भावलाई समेटिएको गीतमा तारा प्रकाश लिम्बुको शब्द र संगीत रहेको छ ।
गीतलाई सबिन लिम्बुले संगीत संयोजन गरेका हुन् । म्युजिक भिडियोमा गायक तामाङ र विमला खाजुम फिचर्ड छन् । भुपेन्द्र तुम्बाहाम्फेको छायांकन र सम्पादनमा भिडियो तयार पारिएको हो ।
ओएसआर डिजिटलको युट्युव च्यानलमार्फत भिडियो सार्वजनिक भएको हो । यसअघि गायक तामाङको स्वरमा रहेको ‘हेर्देउन मायाले’ लगायतका गीत बजारमा आइसकेका छन् ।
