काठमाडौं । गायक राजेशपायल राई र गायिका अस्मिता अधिकारीको युगल स्वरमा समावेश ‘तिम्रै नाम होस’ बोलको म्युजिक भिडियो सार्वजनिक भएको छ । गीतमा शब्द अमेरिकाको ओहायो निवासी गीतकार गोपाल लोहारको रहेको छ ।
गीतमा संगीतकार वसन्त सापकोटाको संगीत तथा सञ्जिब बराइलीको संगीत संयोजन छ । प्रेम जीवनमा रमाइरहेका प्रेमिल जोडीहरुले एकअर्का प्रतिको प्रेम र सम्मानको भावनालाई भिडियोमा प्रस्तुत गरिएको छ ।
म्युजिक भिडियोमा स्वयम गायक राई र नायिका केकी अधिकारी फिचर्ड छन् । सुदीप बरालका छायांकन रहेको भिडियोमा अर्जुन जिसीको सम्पादन छ ।
भीमा लोहार निर्मात्री रहेको यस भिडियो कविराज गहतराजको निर्देशनमा तयार पारिएको हो । गोलो प्रोडक्शनको आधिकारिक च्यानलमार्फत भिडियो सार्वजनिक भएको छ । यसअघि गीतकार लोहारको शब्दमा समावेश ‘किन मायामा’, ‘एकै छिन’, ‘राधा पियारी’लगायत दर्जनौ म्युजिक भिडियोहरु सार्वजनिक भइसकेका छन् ।
