काठमाडौं । आगामी शुक्रबार अर्थात असार ३१ गतेबाट प्रदर्शनको तयारीमा रहेको फिल्म ’सिल्ली फो’को दोस्रो गीत ‘चार इन्चको स्यान्डिल’ सार्वजनिक भएको छ । गीतमा निर्देशक राजबहादुर सानेको शब्द, पुरुषोत्तम न्यौपानेको संगीत र दीपक लिम्बु तथा प्रिती आलेको स्वर छ ।
गीतमा केकी अधिकारी, रविन्द्र झा, दिनेश रेग्मीलगायतका कलाकार फिचर्ड छन् । राजबहादुर साने निर्देशित फिल्म कमेडी जनराको छ । ह्याप्पी फिल्मस्को व्यानरमा निर्माण भएको फिल्ममा मनोज डिके निर्माता र विशाल श्रेष्ठ सह–निर्माताको रुपमा छन् ।
फिल्ममा रवीन्द्र झा, राजाराम पौडेल, दिनेश रेग्मी, भुगोल कार्की, रमेश बजगाईं, अनिता लामिछाने, दीपक थापा, पुर्णचन्द्र पोखरेल (मामाजी), अनिता श्रेष्ठ, सरस्वती रम्जाली मगर, रेजिना थापा, राज गौतम (केशव), अम्बर बहादुर विष्ट (सागर), सौजन बोहोरा, जयमन बिश्वकर्माको अभिनय छ ।
फिल्ममा दिव्य सुवेदी, वीरेन्द्र परियार, नरेन्द्र आलेको, छायांकन, देव महर्जनको द्वन्द्व, शिव विकको कोरियोग्राफी, पुरुषोत्तम न्यौपानेको संगीत, तारा थापा ‘किम्भे’को सम्पादन, अनन्त घिमिरेको कलर, मदन बास्तोलाको भीएफएक्स, साहिल खानले ट्रेलर काटेका हुन् । वितरणको जिम्मा श्रीराम बालाजी फिल्मसले लिएको फिल्मको डिजिटल राइट्स साइराम पिक्चर्सले किनेको छ ।
