काठमाडौं । निर्देशक सुरेन्द्र पौडेलले निर्देशकीय फिल्म ‘बाबरी’को गीत ‘मायाको रंगहरु’ सार्वजनिक भएको छ । सनुप पौडेल र रचना रिमालको स्वर रहेको गीतमा अदिती बुढाथोकी र धिरज नाडकर फिचर्ड छन् ।
गीतमा कालीप्रसाद बास्कोटाको शब्द र रिकेश गुरुङको संगीत छ । त्रिकोणात्मक प्रेमकथामा आधारित फिल्ममा अदिती र धिरजसँगै धिरज मगरको पनि मुख्य भूमिका छ। फिल्ममा बादल भट्ट, कमणमणी नेपाल, उर्मिला बस्नेत, ध्रुव कोइराला, सुनिता श्रेष्ठ, नितेश गुरुङ, त्रिशला गुरुङ, दीलिप गुरुङलगायतका कलाकारको अभिनय छ ।
बाबरी फिल्मको प्रस्तुती र सुष्मा प्रोडक्सनको ब्यानरमा निर्माण भएको फिल्मको निर्माता गणेश बुढाथोकी र पुष्पालता बुढाथोकी हुन्। सुष्मा गुरुङ सह–निर्माता रहेको फिल्मको कथा निर्देशक पौडेलले नै लेखका हुन्।
फिल्मको पटकथा तथा संवाद रितसिंह बोहोरा, सिजद दाहाल, मनोज त्रिपाठी र किशोर नेपालले मिलेर लेखेका हुन्। फिल्मको काठमाडौं, झापा, मोरङ र उत्तरी सिक्किमका विभिन्न रमणीय स्थानमा छायांकन गरिएको छ। नरेन्द्र मैनालीको छायांकन रहेको फिल्मका मुख्य सहायक निर्देशक रितसिंह बोहरा हुन् ।
यो फिल्म असोज १४ गतेदेखि प्रदर्शन हुनेछ।
