काठमाडौं । गीतकार नारद पोख्रेलको सामाजिक वस्तुस्थिति झल्काउने गीत “नजाने भो हाम्रो दुःख” सार्वजनिक गरिएको छ । गीतमा गायक शिशिर योगीको स्वर र ज्योति प्रकाशको संगीत छ ।
गीतकार राजेन्द्र थापाको प्रमुख आतित्थ्यमा राजधानीमा बुधबार एक कार्यक्रम गर्दै गीत सार्वजनिक गरिएको हो । ओएस आर डिजिटलबाट सार्वजनिक गरिएको गीतको भिडियोमा शुरविर पण्डित, रश्मि भट्ट र राजानन्द माण्डव्यको अभिनय रहेको छ । गोविन्द अन्जानले छाँयाङ्कन गरेको भिडियोकोे निर्देशन दिपेन्द्र प्रकाश केसीले गरेका हुन् ।
मकवानपुरको कुन्छाल गाउँमा छाँयाङ्कन गरिएको भिडियोमा पटक पटक राज्यको व्यवस्था बदलिए पनि आम नेपालीको अवस्था नबदलिएको देखाइएको छ ।
कार्यक्रममा गीतकार नारद पोख्रेल, गायक शिशिर योगी, कलाकार शुरविर पण्डित, कलाकार रश्मि भट्ट, गीतकार संघका अध्यक्ष बसन्त वित्यासी थापा, उपाध्यक्ष रमेश कोईराला, संगीतकार ज्योति प्रकाश, लगायतले गीतको सफलताको शुभकामना दिएका थिए ।
