काठमाडौं । आगामी असोज २ गतेबाट रिलिजमा आउन लागेको फिल्म ‘झिंगे दाउ २’को तीज लक्षित गीत ‘जेठानी भर्सेस देउरानी’ शुक्रबार ओएसआर डिजिटलबाट सार्वजनिक गरिएको छ । ७ मिनेट लामो यो गीतमा फिल्मका मुख्य दुई पात्र केकी अधिकारी र आँचल शर्माविचको झगडा प्रस्तुत गरिएको छ । गीतमा बाबुल गिरीको शब्द तथा संगीत, एलिना चौहान र रचना रिमालको स्वर छ ।
यो फिल्ममा केकी जेठानी र आँचल देउरानीको भूमिकामा छिन् । गीतको भिडियोमा रामजी लामिछानेको कोरियोग्राफी छ ।
कपनगढी सिनेमा प्रा।लि र फिल्म क्रिउ नेपाल प्रा।लिको व्यानरमा निर्माण भएको यो फिल्ममा ज्ञानेन्द्र देउजाको निर्देशन, सुलभ प्रतिक देउजा र समिक्षा देउजाको लगानी छ ।
रोशनी अधिकारी देउजा र नीतु श्रेष्ठ देउजा फिल्मका सह–निर्माता हुन् । विष्णु घिमिरे ‘कल्पित’को डीओपी रहेको फिल्ममा मित्र डी गुरुङको सम्पादन, अर्जुन पोखरेलको संगीत, रोशन श्रेष्ठको एक्सन छ । फिल्मका प्रोडक्सन हेड ईश्वर घिमिरे हुन् ।
फिल्ममा केकी र आँचलको साथमा महेश त्रिपाठी, कुशल बिष्ट, आर्यन सिग्देल, हिउँवाला गौतम, सरोज खनाल, बसुन्धरा भुषाल, चैत्यदेवी सिंह, संगम भण्डारी, विजय देउजा, अंशु महर्जन, अभयराज बराल, उत्तम केसी, आशा भुसाल लगायतका कलाकारहरुको अभिनय छ ।
परिच्छेद सेनको पटकथा तथा संवाद रहेको फिल्ममा गोविन्दु फुयाँल र शिशिर चालिसेको लेखन छ ।
