काठमाडौं । आगामी शुक्रबारबाट रिलिज हुने फिल्म ‘वीराङ्गना’लाई फिल्म सेन्सर बोर्डले ‘पीजि’ सर्टिफिकेट दिएको छ । यो सर्टिफिकेट पाएको फिल्म हेर्नको लागि १६ वर्ष मुनिको दर्शकहरु अभिभावकसँग जानुपर्ने नियम छ ।
एक्शन जनराको नारी प्रदान फिल्ममा निर्देशक राजबहादुर सानेको निर्देशन, हरिबोल लामाको छायांकन र तारा थापाको सम्पादन रहेको छ । बाबुराम दास, श्याम बहादुर थापा, रघु परियार, देव तामाङ र विमला भट्ट निर्माता तथा सह निर्माता सुमि चाम्लिङ राई रहेका छन् ।
फिल्मको सार्वजनिक ट्रेलरमा नायिका शिल्पा पोखरेलको निकै दमदार एक्सन देखाइएको छ । फोर्थ आई मुभिजको ब्यानरमा निर्माण गरिएको फिल्ममा शिल्पा पोखरेल, अनुपविक्रम शाही, पृथ्वीराज प्रसाई, धिरेन शाक्य, प्रज्वल गिरी, प्रिया रिजाल, धु्रव कोईराला, सुशिल पोखरेल, अंशु थापा, अमृत सापकोटा लगायतको अभिनय छ ।
