काठमाडौं । आगामी असोज ५ गतेबाट प्रदर्शनमा आउने फिल्म ‘इन्टु मिन्टु लण्डनमा’को टिम यतिबेला फिल्म प्रचारका लागि मोफसलको यात्रामा छ । गत शुक्रबार इटहरी पुगेको टिमले त्यहाँ पत्रकारमाझ भेटघाट मात्र गरेन । फिल्मकी नायिका साम्राज्ञी राज्यलक्ष्मी शाहको ठूलो फ्यान पनि भेट्टायो ।
साम्राज्ञीलाई भेट्न मायाको चिनो सहित आएकी पेस्को मेकअप स्टुडियोकी सञ्चालिका मनिता तामाङ नायिका साम्राज्ञीलाई अंकमाल गर्दै खुशीको आशु निकालिन् । उनले उपहार स्वरुप फिल्मको पोष्टरलाई फ्रेममा राखेर साम्राज्ञीलाई दिएकी थिइन् । मनिताले आगामी दिनहरुमा ‘इन्टु मिन्टु लण्डनमा २’ समेत बनोस भनि शुभकामना समेत दिइन् ।
फिल्मको प्रचार यात्रामा निर्देशक रेनाशा वान्तवा राईसँगै साम्राज्ञी राज्यलक्ष्मी शाह, नायक धिरज मगर र गायकगायिकाहरु समेत छन् । कोरियोग्राफरको रुपमा स्थापित भएकी रेनेशाको यो डेब्यु निर्देशन रहेको फिल्म हो भने नायक धिरजको पनि डेब्यु हो ।
फिल्ममा साम्राज्ञी, धिराज मगर, सारुक ताम्राकार, विजय लामा, अर्जुन श्रेष्ठ, दिलभुषण पाठक, रुबी राना लगायतका कलाकारहरुको अभिनय रहेको छ । प्रभु शमशेर जबरा र प्रज्जवल शमशेर जबराको फिल्ममा लगानी छ ।
