काठमाडौं । आगामी शुक्रबारबाट रिलिज हुने फिल्म ‘धुम ३’ ले फिल्म सेन्सर बोर्डबाट ‘पीजि’ सर्टिफिकेट पाएको छ । नायक जयकिशन बस्नेतको लेखन, निर्माण, निर्देशन र अभिनय रहेको यो फिल्मले ‘पीजि’ सर्टिफिकेट पाएपछि १६ वर्ष मुनिका दर्शकहरुले अभिभावकका साथ फिल्म हेर्न जानुपर्नेछ ।
जयकिशन बस्नेत फिल्मस्को ब्यानरमा निर्माण भएको फिल्ममा जाहन्बी बस्नेत र ब्रबिम बस्नेत प्रस्तुतकर्ता छन् । फिल्ममा जयकिशन बस्नेत, एलिना रायमाझी, लय संग्रौला, शोभित बस्नेत, उत्तम केसी, सपना श्रेष्ठ, सुरबिर पण्डितलगायतको अभिनय छ ।
फिल्ममा टंक बुढाथोकी र ओम सुनारको संगीत, जीवन श्रेष्ठको छायांकन, हिमाल केसीको द्वन्द्व, तुलसी बास्कोटाको सम्पादन एवम् जयकिशन बस्नेत र शिव बिकको नृत्य छ ।
