काठमाडौं । आगामी असोज १९ गते रिलिज हुने फिल्म ‘निर्जला’को ट्रेलर सार्वजनिक भएको छ । सार्वजनिक ट्रेलरमा निर्जला बनेकी नायिका शुभेक्षा थापालाई फिल्मका प्रमुख कलाकार किशोर खतिवडा र निक शर्माले मनपराएको देखाइएको छ । तर निर्जला कसको हुन्छिन् भन्ने थाहा पाउन दर्शकले फिल्म नै हेर्नुपर्ने हुन्छ ।
फिल्मको ट्रेलरमा वैदेशिक रोजगारीले समाजमा पारेको प्रभावसँगै त्रिकोणात्मक प्रेम देखाइएको छ । फिल्ममा किशोर खतिवडा, शुभेच्छा थापा, निक शर्मा, श्याम राई, पल्पसा डंगोल, रश्मी भट्ट, राजकुमार थापालगायतको अभिनय छ ।
फिल्मका प्रस्तुतकर्ता प्रकाशचन्द्र न्यौपाने हुन् । फिल्ममा अशोक खड्काको द्वन्द्व, कमल राईको नृत्य तथा रवि कोइरालाको छायांकन रहेको छ ।
