काठमाडौं । सस्पेन्स हरर जनरामा निर्माण भएको फिल्म ‘गुप्त’ यतिबेला पोष्टप्रोडक्सन चरणमा छ । मनसुन फिल्म्सको ब्यानरमा निर्माण भएको फिल्म पुर्वी नेपालको मोरङमा छायांकन गरिएको हो ।
फिल्ममा बलिउड कलाकार नाफे खानसहित नेपाली कलाकारहरु सुष्मा कार्की, भरतराज सिंह कार्की, सन्दीप सिग्देल, अन्शु थापा, निभा अधिकारी र विश्वराज ढकालको अभिनय छ । दिपेन्द्र अग्रवाल र मिता मुरारका अग्रवालले निर्माण गरेको फिल्ममा राज रोयको निर्देशन छ ।
रोयकै कथा रहेको फिल्ममा अमित धरेवाल सह–निर्माता, नरेन्द्रकुमार अग्रवाल कार्यकारी निर्माता छन् । आगामी मंसिर अन्तिम साता रिलिज हुने फिल्मले अहिलेको पुस्ताको युवापिढीको कथा प्रस्तुत गर्ने निर्माता दिपेन्द्रले बताए । फिल्ममा सजन शाहको संगीत, शक्तिप्रज्वल घिमिरेको सम्पादन र रणधीर श्रेष्ठको छायांकन छ ।
