काठमाडौं । आगामी पौष २७ गतेबाट रिलिज हुने फिल्म ‘चौका दाउ’को दोस्रो गीत ‘मेरो माया कतारमा’मा सार्वजनिक भएको छ । सार्वजनिक गीतमा शम्भुजित बास्कोटा र सुमन गुरुङको स्वर, श्रीपुरुष ढकालको शब्द र शम्भुजितकै संगीत छ ।
गीतमा सोनिका केसीसहित सन्तोष पन्त, तैयब शाह, विल्सनविक्रम राई, रविन्द्र झा, वर्षा राउतलगायतले फिचरिङ गरेका छन् । आइटम फ्लेबरको गीतमा कलाकारले कतारमा रहेको मायालाई सम्झिएको देखाइएको छ ।
गीतमा बसन्त श्रेष्ठको कोरियोग्राफी, दीर्घ गुरुङको छायांकन र मित्र गुरुङको सम्पादन छ । फिल्ममा पुरेन्द्रु झाको निर्देशन छ ।
