काठमाडौं । आगामी मंसिर २८ गते रिलिज हुने फिल्म ‘सुश्री सम्पत्ति’ को पोस्टर सार्वजनिक गरिएको छ । पोस्टरमा फिल्मका तीन पात्र सलोन बस्नेत, सारा सिरपाली र विनोद न्यौपाने फिचर्ड छन् । फिल्मको कथा यि तीनपात्रै वरपर घुम्नेछ ।
रंग पत्रकार सुव्रत आचार्यको निर्देशनमा तयार भएको फिल्ममा राजाराम पौडेल, विशारद बस्नेत, सुनिता श्रेष्ठ ठकुरीलगायतका कलाकारको पनि अभिनय छ । फिल्ममा प्रियंका कार्की विशेष भूमिकामा छिन् । रमेश त्वायना प्रस्तुतकर्ता रहेको फिल्मको कथा निर्देशक सुव्रत आफैले लेखेका हुन् ।
फिल्मको निर्मातामा विज्ञान राई, नुनम सुब्बा र रमन सिलाकार रहेका छन् । अभिमन्यू निरवी र निर्देशक आचार्यको डाइलग रहेको फिल्मको स्क्रिनप्ले अभिमन्यूकै रहेको छ ।फिल्मलाई उपत्यकामा बिके फिल्मसका गोपालकाजी कायस्थ र मोफसलमा एफडी कम्पनीले वितरण गर्नेछ । फिल्मलाई भरत रेग्मीले सम्पादन गरिरहेका छन् ।
