काठमाडौं । फिल्म ‘समर लभ’को सिंगापुरका मनोरम लोकेसनमा छायांकन गरिएको गीत ‘साया’ सार्वजनिक भएको छ । गीतमा फिल्मका प्रमुख कलाकार आशिष पिया र रेवती क्षेत्री फिचर्ड छन् ।
सुबिन भट्टराईको उपन्यास ‘समर लभ’मा आधारित यो फिल्मको सार्वजनिक रोमान्टिक गीतमा पुष्पन प्रधानको स्वर, शब्द र संगीत छ । गीतमा पुष्पनलाई बानिका प्रधानले स्वरमा साथ दिएकी छन् । भिडियोमा कविराज गहतराजको कोयिोग्राफी छ ।
प्रेमदिवसको अवसर पारेर माघ २५ मा रिलिज हुने फिल्ममा सुरजसिंह ठकुरी, सरोज खनाल, ओम प्रतिक, नम्रता सापकोटा, शिशिर भण्डारी लिड रोलमा छन् । फिल्ममा मुस्कान ढकालको निर्देशन छ ।
सुबिनको कथालाई सामीप्यराज तिमल्सेनाले पटकथामा ढालेका हुन् भने फिल्मको संवादमा सामिप्यले सुबिनसँग साझेदारी गरेका छन् । नाइटिङ्गेल इन्टरटेनमेन्टको ब्यानरमा निर्माण गरिएको फिल्ममा खगेन्द्र श्रेष्ठ र इन्दु भण्डारी निर्माता रहेका छन् भने विनोद अधिकारी कार्यकारी निर्माता छन् ।
अर्जुन जिसीले सम्पादन गरेको फिल्ममा स्वपन सरकार र मनोज बिक सहनिर्माता र एकराज तामाङ लाइन प्रोड्युसर रहेका छन् ।
