काठमाडौं । कमेडी जनारामा रहेको चलचित्र ‘जोकर जादुगर २’ को ट्रेलर सार्वजनिक भएको छ । आगामी फागुन ३ गतेदेखि रिलिज हुने फिल्ममा कलाकार महादेव त्रिपाठीको जोकर बन्नु पर्दाको संघर्षलाई देखाइएको छ ।
याक इन्टरटेनमेन्टको प्रस्तुति रहेको फिल्ममा कलाकार महादेव त्रिपाठीको निर्देशन तथा अभिनय रहेको छ भने विशेष पन्तको लेखन, गणेश श्रेष्ठ, कर्णबहादुर तामाङ, केदारप्रसाद रईला, सामन र रेहान तथा कुमार सिलवालको संयुक्त रुपमा निर्माण रहेको छ ।
रिच इन्टरटेनमेन्टका करण श्रेष्ठ क्रेजीले वितरण गर्ने फिल्ममा त्रिपाठीसँगै सिम्पल खरेल, सुरेन्द्र केसी (मुलाको साग), शिव शंकर रिजाल (जोगेन्द्र), अन्जु थापा, विश्वका होचो कलाकार दिपेन शाह, बालकलाकार रिहानराज गिरी, नवराज श्रेष्ठ, मेरी बास्यैकी अप्सरा लक्ष्मी श्रेष्ठ, राजेन्द्र गिरी, विनोद राई, बिशेष पन्त, सरु धिमाल, सञ्चारकर्मी सुर्य चन्द रेशम फिरिरीलागायतका कलाकारहरुको अभिनय रहको छ । यसै चलचित्र मार्फत मोडल सिम्पल खरेलले फिल्ममा डेब्यु गर्दैछिन् ।
फिल्ममा मधुर वस्नेतको छायांकन, विशेष पन्तको लेखन, तारा थापा किम्भेको सम्पादन, स्रमाट बस्नेतको द्वन्द्व, शिव वि.क, दीपक मदन सिंह, सोम लामाको कोरियोग्राफी रहेको छ ।
