काठमाडौं । दशकअघिको हिट फिल्म ‘आफ्नो मान्छे’ को सदाबहार गीत ‘चट्ट रुमाल क्या मालुम’ लाई रिएरेन्ज गरेर नयाँ भर्सनको बनाइएको छ । आगामी चैत २९ गतेबाट रिलिज हुने फिल्म ‘यात्राः ए म्युजिकल भ्लग’ मा समावेश गरिएको गीतमा धर्मेन्द्र सेवान र मेलिना राईको स्वर छ । गीतमा राजन इसानको रिएरेन्ज छ ।
गीतको ओरिजिनल गीतमा बाबुराम दाहालको शब्द, शम्भुजित बास्कोटाको संगीत तथा शम्भुजित र साधना सरगमको स्वर छ । नयाँ गीतमा प्रविन सिंहको कोरियोग्राफी छ । गीतमा सलिनमान बनियाँ, सलोन बस्नेत, मलिका महत, जान्हवी बस्नेत, रेअर राई, प्रेक्षा बज्राचार्य, विशाल सापकोटा फिचर्ड छन् ।
फिल्मका निर्माता केशव भट्टराईले आफुले निर्माण गरेको फिल्म ‘आफ्नो मान्छे’को यो गीतमार्फत आफु निर्मातामा स्थापित मात्र नभई एउटा पहिचान पनि बनाएको बताए । ‘यो गीत मेरो मनको निकै नजिक छ । यसलाई मेरै निर्माण रहेको फिल्ममा राख्न पाउँदा म निकै हर्षित छु ।’ उनले भने ।
सम्राट शाक्य निर्देशित फिल्ममा जयनन्द लामा, धिरेन शाक्य, राजाराम पौडेल, विशाल कटवाल, समृद्धि राई, योगेशजंग कुँवर, इश्वर पौडेल, नानीकाजी डंगोल, राजेश बिसुराललगायतको अभिनय छ । केशव भट्टराई र चिज कुमार श्रेष्ठ प्रस्तुतकर्ता रहेको फिल्ममा बिक्रम पराजुली, मुक्ति सिना र राम शरण घिमिरे सह–निर्माता रहेका छन् । फिल्मका निर्माता सुशील पोखरेल हुन् भने यसको कार्यकारी निर्माता सर्जुमान लिगल रहेका छन् ।
