काठमाडौ । आगामी चैत २२ गतेबाट रिलिज हुने फिल्म ‘लभ स्टेसन’को ट्रेलर सार्वजनिक भएको छ । राजधानीमा मंगलबार एक कार्यक्रमकाबीच ट्रेलर सार्वजनिक गरिएको हो ।
ट्रेलरमा फिल्मका नायक प्रदीप खड्का र नायिका जसिता गुरुङको प्रेममा आउने उतारचढावलाई प्रस्तुत गरिएको छ । उज्जवल घिमिरे निर्देशित फिल्मको ट्रेलरमा प्रदीपसँग जसिता रिसाएकोसँगै प्रेममा डुबेको पनि देखाइएको छ ।
फिल्ममा कुनै पात्र लामो समयदेखि हराएको र अभिनेता प्रदीप खड्का त्यो पात्रको खोजीमा रहेको पनि ट्रेलरमा देखाईएको छ । गोविन्द शाही प्रस्तुतकर्ता रहेको फिल्ममा प्रदीप र जसितासँगै रमेश बुढाथोकी, प्रकाश शाह, रेशु भट्टराई, बिनोद कुमार पौड्याल, प्रिया रिजाल, सरु बिष्ट, रवी डंगोल, दिनेश काफ्ले, कालु रानासहितको अभिनय छ ।
काफिया फिल्मस्को व्यानरमा काफिया शाही (क्रिसु) र कविरबिक्रम शाहीले निर्माण गरेको फिल्ममा आलोक शुक्लाको छायांकन छ ।
