काठमाडौं । रिलिज हुन एक महिना बाँकी रहँदा फिल्म ‘जात्रै जात्रा’को चार फष्टलुक एकैसाथ सार्वजनिक भएका छन् । फिल्म ‘जात्रा’बाट निर्देशनमा ‘डेब्यू’ गरेका निर्देशक प्रदिप भट्टराईले नै ‘जात्रा’को सिक्वेलका रूपमा रहेको यो फिल्मको निर्देशन गरेका हुन् । फिल्ममा रविन्द्रसिंह बानियाँ कार्यकारी निर्माता तथा यज्ञेश्वर पौडेल र सिंगे लामा निर्माता छन् ।
फस्टलुकमा कलाकारहरू दयाहाङ राई, विपिन कार्की, रविन्द्र झा, रविन्द्रसिंह बानियाँ, बर्षा राउत, राजाराम पौडेललगायत फिचर्ड छन् । फिल्मको ट्रेलर आगामी वैशाख १३ गते सार्वजनिक हुँदैछ । फिल्म चाहिँ जेठ ३ गते आउँदैछ ।
