काठमाडौं । गायक सुमन केसी र गायिका दीपा लामाको स्वरमा रहेको गीत ‘तिम्रो सहारा’को भिडियो सार्वजनिक भएको छ । गीतकार अम्बिका गुरुङको शब्द रहेको गीतमा शंकर थापाको संगीत छ ।
भिडियोमा समिम खान र उकुशा गिरीको अभिनय छ । समिमले केही हिन्दी गीतको भिडियोमा पनि अभिनय गरेका छन् । अर्जुन अधिकारीको निर्देशनमा तयार भएको भिडियोमा उत्सव दाहालको छायांकन, विकास दाहालको सम्पादन छ ।
भिडियोमा समिम र उकुसाको प्रेमलाई आकर्षक तरिकाले देखाइएको छ । यूवायूवती प्रेममा परेपछि हुने प्रेमको आशक्ती र उत्पन्न हुने भावनामा नै यो गीत तयार पारिएको छ ।
